زايد الزايد

يا الله ياللي صلت الناس لرضاك .. . .. باسمك واياتك عنيت ادعي لك

لي ضاقت الدنيا علينا نصيناك .. . .. لطفك بنا يا عارف اسرار ليلك

عونك لنا من طيب جودك وحسناك .. . .. نمشي بما يرضيك واللي رضي لك

يا موسع لعبدك عريات دنياك .. . .. بأمرك رضينا في الحياة بقليلك

والخير فاض وعم من فضل عيناك .. . .. وكلت زايد في عبادك وكيلك

يارب تحفظ زايد الخير وبحماك .. . .. على طريق الحق يتبع سبيلك

يا بو التياما وسع الله دنياك .. . .. الاسلام دنيك والعباده دليلك

الله يمدد في حياتك ويرعاك .. . .. اعمال فعلك كلها تدعي لك

شفنا ولقينا سيدي مد يمناك .. . .. يحميك عن سود الليالي عميلك

رب يسوي لك عن اعداك شرباك .. . .. يرعاك باياته ويهدي دليلك

امنتنا عن ماضي الوقت هذاك  .. . .. ومن لازته سود الليال ايعني لك

الذيب يرعي والغنم روض مفلاك .. . .. كل بشانه عارف انه دخليك

ياشوف خشف الريم وعظوم لرماك .. . .. مربوع عود بازغ في ظليلك

شمس الضحى مع دورة اوقات لفلاك .. . .. وبدر تجلي في دجا سحر ليلك

لي من تبادا بالبشاشه وباداك .. . .. خجول ولايرضي بديل مثليك

يمشي برفق باحترام لمعناك .. . .. من عادته لو عارف انه خليلك

يا شيخ شعري بالمودة تنحاك .. . .. باحلى القوافي سيدي ينتمي لك

يعل السحب تنمي بسيل لموطاك .. . .. لي من هذى الداجي بديجور ليللك

الشاعر محمد سلطان الدرمكي